بلۆمبێرگ :ئێران لە چەند رۆژی داھاتوودا بە موشەک یان بە درۆن هێرش دژی ئیسرائیل ئەنجامدەدات

ئاژانسی بلۆمبێرگى ئەمریکی ئاشکرایکردووە، ئێران لە چەند رۆژی داھاتوودا ھێرشی مووشەکی دژی ئیسرائیل ئەنجامدەدات،
بلومبێرگ بە پشت بەستن بە کەسانی ئاگادار لە زانیاری ھەواڵگری رایگەیاند، ئەمریکا و ھاوپەیمانەکانی پێیانوایە وەڵامدانەوەی ئێران بۆ ھێرشی سەر ئیسرائیل نزیکە.
دەشڵێت، ھێرشەکە بۆسەر دامەزراوەی سەربازیی یان حکومیەکانی ئیسرائیل دەبێت و لەڕێگەی مووشەکی بالیستی پێشکەوتوو یان فڕۆکەی بێفڕۆکەوانەوە ئەنجامدەدرێت.
بەپێی سەرچاوەکانی بلۆمبێرگ، ھێرشەکە لە چەند رۆژی داھاتوودا ئەگەری زۆرە ئەنجامبدرێت، بۆیە لێپرسراوانی ئەمریکا ھاوکاری ئیسرائیل دەکەن بۆ داڕشتنی پلان و ئاڵوگۆڕی زانیارییە ھەواڵگرییەکان.