پۆلیسی ئه‌ڵمانیا دوو هاوسه‌ری عێراقی نێو داعش ده‌ستگیرده‌كات

به‌ تۆمه‌تی دەستدرێژیی و بە کۆیلەکردنی دوو کچی ئێزدی، دوو هاوسەری به‌ ره‌گه‌ز عێراقی نێو تاقمی تیرۆرستی داعش لە باشووری ئەڵمانیا دەستگیرکران.

داواکاری گشتیی لە کارلسروهی ئەڵمانیا لە ڕاگەیەندراوێکی  ئاماژه‌ی بۆئه‌وه‌كردووه‌:"دوو هاوسەری عێراقی بەتۆمەتی دەستدرێژی و بە کۆیلەکردنی دوو کچی ئێزدی لە باشووری وڵاتەکەمان  دەستگیر کراون، کە لە نێوان تشرینی یەکەمی ٢٠١٥ تا کانوونی یەکەمی ٢٠١٧ لە عێراق و سووریا  له‌ نێو تاقمی تیرۆرستی داعش بوونه‌"

ئاشكراشیكردووه‌:"ئەو دوو هاوسەرە به‌ ره‌گه‌ز عێراقییه‌، بەردەوام کاری نێو ماڵ و سه‌رپه‌شتیاریی و چاودێریكردنی منداڵەکانیان بەو دوو منداڵە ئەنجامداوە، هەردوو منداڵەکەش ناچارکراون و بە زۆرەملێ دەست لە ئایینی خۆیان هەڵبگرن".

ئه‌وه‌شخراوه‌ته‌ڕو كه‌:"ئەو دوو منداڵە ئیزدییه‌ چەندین جار توندوتیژی قورسی جەستەییان له‌دژ ئه‌نجامدراوه‌ ، بەجۆرێک زۆر جار ناچار کراون، نیو سه‌عات لە سەر یەک قاچ بوەستن".

له‌و راگه‌یه‌ندراوه‌دا ئه‌وه‌شهاتووه‌ كه‌:"هەردوو هاوسەرەکە لە تشرینی دووەمی ٢٠١٧دا بەر لەوەی سوریا جێبهێڵن ئەو دوو منداڵە کچە ئێزدییان ڕادەستی ئەندامانی دیکەی داعش کردووە و لە ئێستاشدا بە بڕیاری دادگا ده‌ستگیركراون"