شاڵاو کۆسرەت رەسول رۆژی رۆژنامەگەری کوردی لە رۆژنامەنووسان پیرۆز دەکات
رۆژی رۆژنامەگەری کوردی و ساڵڕۆژی دەرچوونی یەکەم رۆژنامەی کوردی (رۆژنامەی کوردستان) لە سەرجەم رۆژنامەنووس و میدیاکارانی کورد پیرۆز دەکەم، ئومێد دەکەم ئەم یادە ببێتە هەوێنی پێشکەوتنی زیاتری میدیای کوردی و هەموومان بەرپرسانە مامەڵە لەگەڵ رۆژنامەنووس و دەزگاکانی راگەیاندن بکەین.
رۆژی رۆژنامەگەری کوردی بە دەرفەت دەزانم دووپاتی بکەمەوە، کە ئەرکە لەسەرشانی هەموومان کاربکەین بۆ رەخساندنی زەمینەی لەبار و ئازادی کاری رۆژنامەنووسی، ناکرێت چیتر کونجی زیندان شوێنی رۆژنامەنووسان بێت و کار بە یاساکانی تایبەت بە رۆژنامەنووسی و مافی بەدەستهێنانی زانیاری نەکرێت و پەنا بۆ یاسای دیکە ببرێت بۆ سزادانی رۆژنامەنووسان.
شاڵاو کۆسرەت رەسول
٢٢ی نیسانی ٢٠٢٤
Copyright © 2020 Kirkuk Tv All Rights Reserved Designed And Developed By AVESTA GROUP