گەورە بازرگانێکی نێودەوڵەتی ماددەی هۆشبەر بە 3 کیلۆ و نیو هۆشبەرەوە و چەندین پارچە چەکەوە لە راپەڕین دەستگیر دەکرێت.
بەپێی راگەیەندراوێکی رۆژنامەنوسیی دەزگای ئاسایشی هەرێم بازرگانەکە لەلایەن بەڕێوەبەرایەتی گشتی ئۆپراسیۆنەکانی ئاسایش، بەهەماهەنگی بەڕێوەبەرایەتی نەهێشتنی ماددە هۆشبەرەکان و دەزگای ئاسایشی نیشتمانی عیراق، رۆژی 4ی5 لەسنوری ئیدارەی ڕاپەڕین دەستگیرکراوە
لەراگەیەندراوەکەدا هاتوە:" لەکاتی دەستگیرکردنی بازرگانەکەدا دەستبەسەر ( سێ کیلۆ گرام و نیو )ماددەی هۆشبەر و چەندین پارچە چەکی تۆمەتباردا گیراوە".
بەپێی زانیارییەکانی دەزگا ئەمنییەکان، ئەو بازرگانە لە سنورەکانی نێوان عێراق و سوریا کاری بازرگانی ماددەی هۆشبەری کردووە و لە هەفتەی ڕابردوودا پاش ئەوەی بڕێکی زۆر ماددەی هۆشبەر دەنێرێت بۆ شاری (بەغدا) دەستیبەسەردا دەگیرێت
بەپێی راگەیەنراوەکە :" تۆمەتبار لە ڕابردوودا چەندین جار لەهەوڵی دەستگیرکردنیدا بەچەک ڕووبەڕوی هێزە ئەمنییەکان بۆتەوە و هەڵاتووە" .
Copyright © 2020 Kirkuk Tv All Rights Reserved Designed And Developed By AVESTA GROUP