قوباد تاڵەبانی: کێشەی مووچە چارەسەربووە

قوباد تاڵەبانی رایگەیاند: کێشەی مووچە چارەسەر بووە و ئەوەی لە حکومەتی هەرێم داواکراوە لیستەکان بووە و ئێستا نێردراون بۆ وەزارەتی دارایی عیراق.
قوباد تاڵەبانی، جێگری سەرۆک وەزیرانی هەرێمی کوردستان لە میانی سەردانەکەیدا بۆ هەڵەبجە لەکۆنگرەیەکی ڕۆژنامەوانیدا رایگەیاند: رەزامەندی لەسەر ناردنی مووچە دراوە و کێشەی مووچە چارەسەر بووە.
راشیگەیاند ئوەی لە حکومەتی هەرێم داواکراوە لیستەکان بووە و ئێستا نێردراون بۆ وەزارەتی دارایی عیراق.
ئەمە لەکاتێکدایە رۆژی 2024-4-21، وەزارەتی دارایی و ئابوری حکومەتی هەرێمی کوردستان، لیستی مووچەی مانگی نیسانی سەرجەم فەرمانبەران و مووچەخۆرانی هەرێمی کوردستانی رەوانەی وەزارەتی دارایی حکومەتی فیدراڵی کرد و ئێستا مووچەی مانگی نیسان نزیکەی 10 رۆژە دواکەوتووە.