ئەمڕۆ روسیا و ئۆکراین لە قەتەر کۆدەبنەوە

ئەمڕۆ قەتەر پێشوازی لە وەفدی هەردوو وڵاتی روسیا و ئۆکراین دەکات و گەڕێکی دیکەی دانوستانەکانیان دەستپێدەکەنەوە، بەگوێرەی راپۆرتی رۆژنامەی عەرەبی جەدید، دانوستانەکانی ئەمڕۆ تایبەتن بەو خێزان و منداڵە دابڕاوانەی کە لە ئەنجامی جەنگی نێوانیان پەرتەوازە بوون، وەفدی روسی بەسەرۆکایەتی ماریا لفوفا کۆمیسیاری سەرۆکایەتی مافی منداڵان و وەفدی ئۆکراینیش بەسەرۆکایەتی سەرۆکی لیژنەی مافەکانی مرۆڤ دیمترۆ لۆبینیتس دەبێت و لوئلوئەی کچی راشد، وەزیری دەوڵەتی قەتەر بۆ کاروباری نێودەوڵەتی سەرپەرشتی کۆبوونەوەکە دەکات.
دوێنێش قەتەر رایگەیاند 37 منداڵی روسی و ئۆکراینی کە منداڵی 20 خێزان بوون گەیەنراونەتە وڵاتەکەیان و بەمەبەستی بەیەک گەیاندنەوەیان قەتەر پێشوازیی لە خێزانەکانیان دەکات.