ئیدارەى ریاڵ مەدرید رەتیدەکەنەوە واژۆى ئیمپاپێیان بەدەستهێنابێت

ئیدارەى یانەى ریاڵ مەدریدى ئیسپانى رەتیدەکاتەوە کارەکانى واژۆکردنى بۆندى لەگەڵ کیلیان ئیمپاپێ تەواو کردبێت و تاکو ئێستا ئەو گرێبەستە یەکلاى نەکراوەتەوە .
سەرچاوە هەواڵیەکانى ئەوروپا چەند جارێک ئەوەیان دووپاتکردۆتەوە کە ریاڵ مەدرید و کیلیان ئیمپاپێ سەرجەم رێکارەکانیان تەواو کردوەو ئەو ئاسکە فەرەنسییە پەیوەندى بە قەڵاى سپییەوە کردوە ، لویس ئینریکى راهێنەریش لە کۆنگرە رۆژنامەوانییەکاندا بە روونى باسى لەوەکردوە ئایندەى کیلیان لەدەرەوەى باخچەى شازادەکانە ، بەڵام لێپرسراوانى یانەى ریاڵ مەدرید  بە پێگەى ( ریلیفۆ)یان راگەیاندوە بەهیچ جۆرێک بابەتى واژۆکردنى بۆند لەگەڵ ئەو ئەستێرە فەرەنسییە راست نیە .
جێى ئاماژەبۆکردنە هاوینى داهاتوو بۆندەکەى کیلیان ئیمپاپێ کۆتایی دێت و بە شێوەیەکى ئازاد و سەربەستانە و بە خۆڕایی دەتوانێت پەیوەندى بکات بە هەر یانەیەکەوە کە دڵخوازى خۆی بێت ، چەند جارێکیش کیلیان تەئکیدى لەوە کردۆتەوە لەوەى ئارەزوو دەکات درێسى مەدرید بپۆشێت .