بەڕێوەبەرایەتی گشتیی کەشناسی و بوومەلەرزەزانی
هەرێمی کوردستان رایگەیاند ئەمڕۆ ئاسمان هەوری تەواو و نمەباران دەبێت و هەندێجاریش
بۆ تاوە باران و بروسکەی ناوبەناو دەگۆڕێت.
وتیشی: رێژەی دابارین لەناوچە شاخاوییەکان و
رۆژهەڵاتی پارێزگاکانی سلێمانی و هەڵەبجە زیاتر دەبێت و پلەی گەرماش 1 بۆ 3 پلە
نزمدەبێتەوە بەبەراورد بەتۆمارکراوەکانی دوێنێ.
سبەینێش ئاسمان هەوری تەواو دەبێت و بەیانییەکەی تاوەبارانی
مامناوەندو هەورەتریشقە لەسنووری باشووری پارێزگای دهۆک و سنووری پارێزگای هەولێر
دەبێت پاشان کاریگەری بۆ تەواوی ناوچەکانی هەرێم درێژدەبێتەوەو ئێوارەکەی کاریگەری
نامێنێت.
هەر بەگوێرەی پێشبینییەکە بەرزترین پلەی گەرما لەگەرمیان
و کەرکوک تۆماردەکرێت، بەشێوەیەک، لەگەرمیان 29 و لە کەرکوکیش 28 پلەی سیلیزی تۆماردەکرێت.
Copyright © 2020 Kirkuk Tv All Rights Reserved Designed And Developed By AVESTA GROUP