ئەستێرەیەکى ریاڵ مەدرید نزیکە لە نوێکردنەوەى بۆندەکەى

ئەستێرەیەکى یانەى ریاڵ مەدریدى ئیسپانى ، یانەکانى خولى سعوودى بێهیوا دەکات و نزیکە لەوەى گرێبەستەکەى نوێبکاتەوە .
رۆژنامەى (مارکا) ى ئیسپانى لە ژمارەى ئەمرۆیدا ئەوەى بڵاوکردۆتەوە ، فێرلاند مێندى یاریزانى هێڵى بەرگرى یانەى شاهانە زۆر نزیکە لەوەى بۆندەکەى لەگەڵ یانە مەدریدیەکە نوێبکاتەوە ، مێندى لە ماوەکانى پێشوو بۆندى چەند یانەیەکى سعودی پێ گەشت بە تایبەت دوای بەرزبونەوەى ئاستى لە یارییەکانى لالیگا و چامپیۆنزلیگ ، بەڵام یاریزانەکە ویستى ئەوەى هەیە کاروانى وەرزشى لە یانەى ریاڵ مەدرید بەردەوامى پێ بدات بۆیە وەڵامى هیچ یەکێک لەو داواکارییانەى نەدایەوە .
 مارکا باسى لەوەش کردوە مێندى چاودێری دەکرێت لە لایەن یانەکانى ( مانچێستەر سیتى و بایرن میونشین) ەوە ، ئەویش بەهۆى ئەوەى لە ئێستادا ئاستێکى بەرز پێشکەش دەکات و یانەى ریاڵ مەدریدى پەشیمان کردۆتەوە لەوەى بیفرۆشن یانەى بۆندێکى ئاڵوگۆڕى پێبکەن ، ئێستا ئیدارەى شاهانە و لەسەرووى هەمویانەوە چەنچیلۆتى پێى وایە مێندى یەکێکە لە باشترین بەرگریکارەکانى باڵەکان و پێویستە لە بێرنابیۆ بمێنێتەوە .