ستیفانۆ پیۆلى بووە راهێنەرى یانەى ئیتیحادى سعوودى

بەرپرسانى یانەى ئیتیحادى سعوودى، پاش دورخستنەوەى مارسێلۆ گالاردۆى ئەرژەنتینى لە ئەرکى راهێنەرایتیکردنى یانەکەیان، هەرزوو هەوڵەکانیان بۆ دەستنیشانکردنى راهێنەرێک دەستپێکرد و ستیڤانۆ پیۆلى ئیتاڵیان وەک راهێنەرى نوێی یانەکەیان دیاریی کرد، بۆندەکەى پیۆلى تەمەن 58 ساڵان لەگەڵ یانە سعوودیەکە بۆ ماوەى 3 ساڵ دەبێت و ئامانجیانە لەگەڵ راهێنەرە ئیتاڵیەکە، سەردەمێکى نوێ لە یانەکەیان دەست پێ بکەن و بتوانن لە وەرزى نوێدا، دەست بخەنە سەر زۆرترین نازناو و بیگەڕێننەوە مۆزەخانەى وڵاتەکەیان.
ستیڤانۆ پیۆلى لە رابردوودا ئەرکى راهێنەرایتیکردنى چەندین یانەى ئیتاڵى لە ئەستۆ گرتوە، کە دیارترینیان یانەکانى ئەى سی میلان، ئینتەر میلان و لازیۆیە.