یه‌كێتیی بە 172 کاندید بەشداری هه‌ڵبژاردنی خولی شه‌شه‌می په‌رله‌مانی كوردستان دەکات

كاندیده‌كانی یه‌كێتیی نیشتمانیی كوردستان بۆ هه‌ڵبژاردنی خولی شه‌شه‌می په‌رله‌مانی كوردستان 172 كاندیده‌و زۆرترین كاندیدی له‌ بازنه‌ی سلێمانییه‌ كه‌ 72 كاندیده‌و رێژه‌ی 30% زیاتری كاندیده‌كانی ژنن.
به‌پێی ئاماره‌كانی مه‌كته‌بی هه‌ڵبژاردنه‌كانی یه‌كێتی، یه‌كێتی بۆ هه‌ڵبژاردنی خولی شه‌شه‌می په‌رله‌مانی كوردستان 172 كاندیدی هه‌یه‌و له‌و ژماره‌یه‌ 72 كاندیدیان له‌ بازنه‌ی سلێمانی و 64 كاندیدیشیان له‌ بازنه‌ی هه‌ولێر و 30 كاندیدیشی له‌ بازنه‌ی دهۆكه‌و بازنه‌ی هه‌ڵه‌بجه‌ش 6 كاندیدی هه‌یه‌.
بۆ هه‌ر بازنه‌یه‌كیش سه‌رۆك لیستی خۆی هه‌یه‌و بۆ بازنه‌ی هه‌ولێر شاڵاو كۆسره‌ت ره‌سوڵ و بۆ بازنه‌ی سلێمانی د. میران محه‌مه‌د و بۆ بازنه‌ی دهۆكیش عه‌لی ئۆره‌ماری و بۆ بازنه‌ی پارێزگای هه‌ڵه‌بجه‌ش به‌رزان عوسمان-ی دیاریكردووه‌. 
هەر به‌پێی ئاماره‌كانی مه‌كته‌بی هه‌ڵبژاردنی یەکێتی رێژه‌ی كاندیدكردنی ژنان له‌لیسته‌كانی یه‌كێتیی نیشتمانیی كوردستاندا رێژه‌كه‌ی له‌ 30% زیاتره‌و له‌كۆی ژماره‌ی كاندیده‌كانی 63 كاندیدی ژنه‌، به‌شێوه‌یه‌ك له‌بازنه‌ی هه‌ولێر 24 كاندید و له‌ بازنه‌ی سلێمانی 26 كاندیدو له‌دهۆك 10 كاندید و له‌ پارێزگای هه‌ڵه‌بجه‌ 3 كاندیدی ژنه‌.