سودانی هۆکاری هەڵوەشاندنەوەی سەردانییەکەی بۆکەرکوک ئاشکرا دەکات

سودانی هۆکاری هەڵوەشاندنەوەی سەردانەکەی بۆ کەرکوک و وادەی پێکهێنانی حکومەتی خۆجیی کەرکوک ئاشکرادەکات.

بڕیابوو ئەمڕۆ محەمەد شیاع سودانی سەرۆک وەزیرانی عێراق سەردانی پارێزگای کەرکوک بکات و بەشداریی لەکردنەوەی وێستگەی کارەبای غازی دووبز بکات، بەڵام سەردانەکەی هەڵوەشاندرایەوەو لەبەغداوە لەڕێگەی بازنەی تەلەفزیۆنییەوە بەشداری لەکردنەوەی کرد.

لەچوارچێوەی وتەکەیدا هۆکاری هەڵوەشاندنەوەی سەردانەکەی بۆ پارێزگاکە ئاشکراکردو ڕایگەیاند: دەمانویست لەکەرکوک ئامادەبین و ماوەیەک چاوەڕێی پێکهێنانی حکومەتی خۆجێی پارێزگاکە بین، بەڵام وادیارە پرسی ئیدارەی کەرکوک کاتی زیاتری دەوێت.

سەرۆک وەزیران ئاماژەی بەوەشکرد: نەبوونی پارێزگارو حکومەتی خۆجێی، وایکرد سەردانی پارێزگای کەرکوک نەکەم.