سوپای ئیسـ*رائــیل کوژرانی حـــەســەن نەسـروڵای راگه‌یاند

سوپای ئیسـرائــیل کوژرانی حـــەســەن نەسـروڵای راگه‌یاند
سوپای ئیسرائیل رایگەیاند، لە هێرشەکەی دوێنێ بۆ سەر باڵەخانەیەک لە بەیروت حەسەن نەسروڵڵا، ئەمینداری گشتیی حیزبوڵڵا کوژراوە.

ئەفیخای ئەدرعی، وتەبێژی سوپای ئیسرائ**یل  له‌ راگه‌یه‌ندراوێكدا كه‌ لە ئه‌ژماری خۆی له‌ تۆڕی کۆمەڵایەتیی ئێکس بڵاویكردووه‌ته‌وه‌ رایگه‌یاندووه‌: " سوپای وڵاته‌كه‌ی حه‌سه‌ن نه‌سرولڵاو عه‌لی كه‌ركی فه‌رمانده‌ی به‌ره‌ی باشووری حزبولڵاو ژماره‌یه‌ك فه‌رمانده‌ی ئه‌و حزبه‌كه‌ی له‌نێوبردووه‌".

 له‌ به‌شێكی دیكه‌ی راگه‌یه‌ندراوه‌كه‌یدا وته‌بێژه‌كه‌ی سوپای ئیسرا**ئیل باسی له‌وه‌كردووه‌كه‌ :" هێزی ئاسمانی به‌ رێنمایی وردی هه‌واڵگریی، بۆردومانی بنكه‌ی سه‌ره‌كی حزبولڵای له‌ ژێر زه‌وی له‌ناوچه‌ی كه‌ناری باشوور كردووه‌و له‌كاتێكدا ئه‌مینداری گشتیی حزبولڵاو فه‌رمانده‌یی ئه‌و حزبه‌ سه‌رقاڵی پلانداڕشتن بوونه‌ دژی ئیسرائیل "

هه‌واڵی كوشتنی ئه‌مینداری گشتیی حوبولڵای لوبنانی تائێستا له‌لایه‌ن ئه‌و حزبه‌وه‌ پشتڕاستنه‌كراوه‌ته‌وه‌.

ئه‌مه‌ له‌كاتێكدا به‌ درێژایی شه‌وی رابردوو هێزی ئاسمانیی سوپای ئیس**رائیل هێرشێكی فراوانی كرده‌سه‌ر شاری به‌یروت و چه‌ندین ناوچه‌ی به‌چڕی بۆردومان كردو هه‌زاران هاووڵاتی ماڵه‌كانیان چۆڵكردو ئاواره‌ بوون.