سوپای ئیسرائیل: بەردەوامین لە بۆردوومانکردنى پێگەکانى حیزبوڵا

سوپای ئیسرائیل رایگەیاند، بەردەوامن لە بۆردوومانکردنى پێگەکانى حیزبوڵا لە ناوچەکانى بەعلەبەکى سنوورى سووریا و کەفەر کلاى سنوورى فەڵەستین.

بەگوێرەی راگەیەندراوەکەی سوپای ئیسرائیل، لە هێرشەکانیاندا بۆسەر لوبنان توانیویانە چەندین سەکۆی موشەکی حیزبوڵا تێکبشکێنن، کە ئامادەکرابوون تاوەکو ئاراستەی وڵاتەکەیان بکرێت.

هاوکات بەگوێرەی ئاژانسی هەواڵی لوبنانی، بەهۆی بۆردوومانەکانی سوپاى ئیسرائیل بۆسەر ناوچەى تەیردبا لە باشوورى لوبنان، چوار کەس کوژران و ژمارەیەکى دیکەش برینداربوون

لەچوارچێوەی گرژییەکاندا، مقاومەی ئیسلامی عێراق بەرەبەیانی ئەمڕۆ بڵاویکردەوە، بە فڕۆکەى بێفڕۆکەوان ئامانجێکمان لە ئیلاتى ئیسرائیل پێکاوە.

هاوکات وەزارەتى بەرگریی ئیسرائیلیش دەڵێت، لە ناوچەى ئیلاتى وڵاتەکەى، زەنگى ئاگادارکردنەوەى لێداوە.