تەندرووستی لوبنان: 60 کەس بەهۆی هێرشەکانی ئیسرائیلەوە کوژراون

وەزارەتی تەندروستی لوبنان ئاماری کوژراو و بریندارانی هێرشە ئاسمانییەکانی 24 سەعاتی رابردووی ئیسرائیلی بۆ سەر باشووری وڵاتەکەی بڵاوکردەووە و رایگەیاند، بەهۆی ئەو هێرشانەوە 60 کەس کوژراون.
بەگوێرەی راگەیەندراوی وەزارەتی تەندروستی لوبنان، هێرشەکانی ئیسرائیل زیاتر بۆسەر ناوچەکانی بەعلەبەک و دۆڵی بیقاع بوون و زیاتر لە 150 کەسیش برینداربوون.
بەشیر خزر، پارێزگاری بەعلەبەک رایگەیاند: هێرشەکانی ئیسرائیل زیاتر ناوچەکانی ئەوانی گرتووەوە.
پارێزگاری بەعلەبەک وتیشی: بەشێکی زۆر لە کوژراو و بریندارەکان ژن و منداڵن و گەیەندراونەتە نەخۆشخانەکان.
ئەوەشی خستووەتەروو: سوپای ئیسرائیل بەشێکی زۆر لە دامەزراوە مەدەنییەکانی کردووەتە ئامانج و زیانی زۆری بە ژێرخانی خزمەتگوزاریی ناوچەکە گەیاندووە.