پارێزگاری کەرکوک لەگەڵ محەمەد حەلبوسی کۆدەبێتەوە

ڕێبوار تەها پارێزگاری کەرکوک بەئامادەبوونی محەمەد ئیبراهیم حافز  سەرۆکی ئەنجومەنی پارێزگاو جێگری هونەری و یاریدەدەری هونەری پارێزگار سەردانی محەممەد حەلبوسی سەرۆکی هاوپەیمانی تەقەدومیان کرد.

لە دیدارەکەدا بارودۆخی پارێزگای کەرکوک و گرنگی هەوڵی هاوئاهەنگی هێزە سیاسییەکان لە پشتیوانیکردنی حکومەتی خۆجێی و سەرکەوتنی ئەرکەکانی تاوتوێکران بۆ بەدیهێنانی ئامانجەکانی هەروەها بەردەوام بوون لە پرۆژە خزمەتگوزارییەکان کە پێداویستی هاوڵاتیانی شارەکە دابین بکات .

هەروەها جەختکرایەوە لەسەر تۆکمەکردنی برایەتی و پێکەوەژیانی ئاشتیانە لە نێوان پێکهاتەکانداو ڕۆڵی حکومەتی خۆجێی لە پاراستنی سەقامگیری و ئاسایش و چارەسەرکردنی هەڵەکانی پێشوو.