رۆناڵدۆ دەیەوێت ببێتە سەرۆک و گواریۆلا بکاتە راهێنەرى بەرازیل

رۆناڵدۆ دەیەوێت ببێتە سەرۆک و گواریۆلا بکاتە راهێنەرى بەرازیل
ئاکۆ بیبانى

رۆناڵدۆ نازاریۆ دالێماى ئەفسانەى پێشووى تۆپى پێى بەرازیل ، چۆن لە کاروانى وەرزشى و پیشگەرى خۆیدا بووە جێگاى شانازى گەلى بەرازیل ، ئێستاش دەیەوێت بەجۆرێکى دیکە خزمەت بە وڵاتەکەى بکات و ببێتە فریادرەسى تیپى تۆپى پێى وڵاتەکەى و هەڵبژاردەکە لەو گێژاوە رزگاربکات کە 20 ساڵە هەڵبژاردەى بەرازیل لە ئازاردا دەناڵێنێت و رۆناڵدۆى دیاردەش دەیەوێت ببێتە ئەو فریاد رەسەو تیپى تۆپى پێى وڵاتەکەى بگەیەنێت بەکەنارى ئارام ، هەر وەک چۆن لەسەردەمى یاریکردنى مێژووى نوسیوەتەوە ، لە مۆندیالى 1994 بەتەمەنێکى کەمەوە لەگەڵ هاوڕێکانى بەشداربوو لە بردنەوەى مۆندیال ، لە ساڵى 1998 رۆلى گەورەى گێرا و بەرازیل بووە دووەمى جیهان ، لە ساڵى 2002 قەرەبووى کردەوەو کەشتیوانى کەشتییەکەى بەرازیلى کرد و ووڵاتەکەى کرد بە گەورەو سەردارى جیهان .
رۆناڵدۆ دوای ئەوەى وازى لە یاریکردن هێنا ، سەرمایەکەى کردە خزمەتى وەبەرهێنان و گەشەکردنى یانەکان ، خاوەنى یانەى کرۆزیرۆ بوو ، ئەمە جگە لەوەى بەشێکى زۆرى پشکەکانى یانەى فەلەد وەلیدى ئیسپانى  رۆناڵدۆ خاوەندارێتى دەکات .
ئێستا یاریزانەکەى پێشووى سیلیساو خاوەن تۆڕێکى فراوانى پەیوەندنى ( وەرزشى  - بازگانى – سیاسیی) یە و هەوڵدەدات پۆستى سەرۆکى یەکیتى تۆپى پێى بەرازیل بباتەوە بۆ ئەوەى هەڵبژاردەکە بگەڕێتەوە سەر رێچکەى راستەقینەى خۆى کەماوەیەکى زۆرە لە رێگا راستەکە لاى داوە .
ئیدناڵدۆ ڕۆدریگێزى سەرۆکى ئێستاى یەکێتى تۆپى پێى بەرازیل لە مانگی ئاداری ٢٠٢٦ سەرۆکایەتیەکەى کۆتایی دێت، بەڵام هەڵبژاردنەکە ساڵێک پێشتر ئەنجام دەدرێت، واتە لە ساڵی ٢٠٢٥، سەرۆکی ئێستاش بەنیازە دووبارە خۆی کاندید بکاتەوە.
رۆناڵدۆى دیاردە ئامانجى ئەوەیە ئەو پۆستە وەربگرێت ، رۆژنامەى سپۆرتى ئیسپانى ئەوەى ئاشکراکردوە کە رۆناڵدۆ لە گریمانەى بردنەوەى پۆستەکە ئەوا راستەوخۆ پیپ گواردیۆلا دەکاتە راهێنەرى بەرازیل ، کە یەکێکە لە راهێنەرە تاکتیکیە نایابەکان و لە یانەکانى ( بارسیلۆنا و بایرن میونشین و مانچێستەر سیتى ) داهێنانى گەورەى کردوە ، رۆژنامەى ( لانسى ) بەرازیلی زانیارییەکانى پشتراستکردۆتەوەو ئەوەى دووپاتکردۆتەوە کە رۆناڵدۆ داوای پشتگیرى دەکات بۆ ئەوەى ببێت بەسەرۆکى یەکێتى تۆپى پێى پێى بەرازیل و خاڵى یەکەمى کارنامەکەشى بۆند کردنە لە گەڵ پیپ گواردیۆلا بۆ ئەوەى قەدەرى ووڵاتەکەى بخاتە ژێردەستی ئەو راهێنەرە ئیسپانیە .