پارێزگاری کەرکوک: پرۆسەی سەرژمێری بە بەباشی بەڕێوەدەچێت

لەسەعات 7:00 ی بەیانی ئەمڕۆ وە پرۆسەی سەرژمێری لەسەرجەم ناوچەکانی هەرێم و عیراق دەستیپێکردووە و پارێزگاری کەرکوک-یش رایدەگەیەنێت:" لەژووری ئاگاداربوونەوە ئاگامان لە هەموو پرۆسەکەیە بەراستەوخۆ و وردیەکی زۆرەوە، سەرجەم شوێنەکان بەرپرسی دیاریکراومان بۆ داناون بۆ ئاگاداربوون لە پرۆسەکە و خۆشبەختانە پرۆسەکە لەکەرکوک بە تەندروستی بەڕێوەدەچێت".

رێبوار تەها پارێزگاری کەرکوک لەکۆنگرەیەکی رۆژنامەوانیدا رایگەیاند:"ئەمڕۆ سەردانی لیژنەی باڵای مەرکەزیمان کرد بۆ ئەوەی لەنزیکەوە چاودێری کارەکانی ئەو بژمێرانە بکەین کە لەشاری کەرکوک کارەکانیان ئەنجام دەدەن و سوپاسی هەوڵ و ماندووبونیان دەکەین".

وتیشی:" لە 7:00ی بەیانی ئەمڕۆوە پرۆسەی سەرژمێری گستی دەستیپێکردووە و تا 12:00 ی ئەمشەو و سبەینێش هەر بەردەوامی دەبێت، سوپاسی هێزە ئەمنیەکان و دەزگا میدیییەکان دەکەین و هەوڵ و ماندوبونەکانتان بەشێکە لەسەرکەوتنی پرۆسەکە، کە بەشێوەیەکی راستەوخۆ بەڕێوەچوونی پرۆسەکە دەگوازنەوە و پیشانی دەدەن چەند بە ئارامی و بێ کێشە بەڕێوەدەچێت".

هەر لە کۆنگرەکەدا پارێزگاری کەرکوک ئاماژەی بەوەشکرد:" لەژووری ئاگاداربوونەوە ئاگامان لە هەموو پرۆسەکەیە بەراستەوخۆ و وردیەکی زۆرەوە، سەرجەم شوێنەکان بەرپرسی دیاریکراومان بۆ داناون بۆ ئاگاداربوون لە پرۆسەکە و خۆشبەختانە پرۆسەکە لەکەرکوک بە تەندروستی بەڕێوەدەچێت، لەئێستاشدا سەردانی هەموو شوێنەکان دەکەین و چاودێری پرۆسەکە دەکەین، هاوکات دەمەوێت دڵنیایی بدەمە هاووڵاتیان رێگری لەکەس نەکراوە بێتەوە بۆ ناوچەکانی خۆی بۆ سەرژمێری و هیچ کێشەیەکیش لە ئامێری بژمێرەکاندا نییە".