سەرۆك بافڵ : رۆڵ و خزمەتی زاهیر عەبدوڵا لە بواری شانۆ و نواندن لەیادناکەین

بافڵ جەلال تاڵەبانی سەرۆکی یەکێتیی نیشتمانیی کوردستان بۆ كۆچی دوایی هونەرمەند زاهیر عەبدوڵا پرسەنامەیەكی ئاڕاستەی بنەماڵە و هاوڕێیانی و هونەرمەندانی کوردستان دەكات 

دەقی پرسەنامەكە : 

بەداخێکی زۆرەوە هەواڵی کۆچی دوایی زاهیر عەبدوڵا، هونەرمەندی ناسراوی کوردمان پێگەیشت.

بۆ ئەم لەدەستدانە گەورەیە پرسە و هاوخەمیی قووڵی خۆمان ئاڕاستەی خێزان و کەسوکارە سەربەرزەکەی، هاوڕێیانی و هونەرمەندانی کوردستان دەکەین و هاوبەشی ئەم خەمە گەورەیەین.

رۆڵ و خزمەتی زاهیر عەبدوڵا لە بواری شانۆ و نواندن لەیادناکەین و بۆ هەمیشە بە زیندوویی لە یادەوەریماندا دەمێنێتەوە.

لەخوای گەورە داواکارم هونەرمەندی خۆشەویستمان بە بەهەشتی بەرین شادبکات و سەبووری بەهەموولایەک ببەخشێت.

بافڵ جەلال تاڵەبانی
سەرۆکی یەکێتیی نیشتمانیی کوردستان