ترەمپ: لە هیچ لایەنێکی قبوڵناکەین جێگرەوەی دۆلار بەرهەمبهێنێت

دۆناڵد ترەمپ دەربارەی هەوڵی چەند وڵاتێکی هاوپەیمانێتی برێکس‏ بۆ ‏بەرهەمهێنانی جێگرەوەی دۆلار رایگەیاند، لەهیچ وڵات و لایەنێکی قبوڵ‏ ناکەین جێگرەوەی دراوەکە بەرهەمبهێنێت و بە توندترین شێوە سزای دەدەین.‏
دۆناڵد ترەمپ لە هەژماری خۆی لە تۆڕی کۆمەڵایەتیی سریـــدز رایگەیاند، وا هەست ‏نەکەن ئاگاداری هەنگاوەکانتان نـــیین، بەتایبەت هەنگاوی دروستکردنی جێگرەوەیەک ‏بۆ دۆلار تا مامەڵەکانتانی پێبکەن، دڵنیابن ئەمە جێگای قبوڵکردن نییە و بە ‏توندترین شێواز سزا دەدرێن.‏
ئەمە لەکاتێکدایە، لەماوەی رابردوودا ترەمپ، جەختی لەسەر زیادکردنی باج و ‏گۆرانکارییە ئابورییەکان کردووەتەوە، پێشتر ئاماژەی بەوەشدابوو لە داهاتوودا قۆناغی ‏زێرینی ئابوری دەگەرێنێتەوە.‏
وڵاتانی ناو هاوپەیمانێتی ‏برێکس‏ پێشتر پێشنیاری دروستکردنی دراوێکیان ‏کردبووە بەناوی “بریک” تا لە مامەڵەکانی نێوان خۆیاندا بەکاریبهێنن و هەژموونی ‏دۆلار لە بازاڕەکانی جیهاندا کەمبکەنەوە.‏
هاوپەیمانێتی ‏برێکس‏ بەوە ناسراوە، بەشێکی زۆری وڵاتە ئەندامەکان دژی ‏سیاسەت و پلانەکانی ویلایەتە یەکگرتووەکانن وەک “ڕوسیا و چین و ئێران” کە ‏هاوشانی هیندستان و ئیمارات و بەرازیل و چەند وڵاتێکی دیکە بەشداریان لە ‏هاوپەیمانێتییەکەدا کردووە.