دارایی هه‌رێم خشته‌ی دابه‌شكردنی مووچه‌ی راگه‌یاند

ئابوری
17:01 - 2025-03-26


وەزارەتی دارایی و ئابووری هەرێم خشتەی دابەشكردنی مووچەی فەرمانبەران و مووچەخۆرانی مانگی ئاداری راگەیاندو بەپێی خشتەكەش، سەرجەم وەزارەت و دەستەكان لە ماوەی سێ رۆژدا مووچە وەردەگرن.     

بەپێی راگەیەندراوەكەی وەزارەتی دارایی لە سبەینێوە 27-3-2025 دەست بە دابەشكردنی مووچەی مانگی ئازار دەكرێت و سبەینێ مووچەی خانەنشینی شارستانی و خاوەن پێداویستی تایبەت و زیندانییە سیاسییەكان و بەركەوتووانی كیمیاباران و كەسوكاری شەهیدان و ئەنفالكراوان دابەشدەكرێت".

هاوكات هەر بەپێی راگەیەندراوەكە لەماوەی سێ رۆژدا سەرجەم مووچەخۆرانی هەرێم مووچەی مانگی 3 وەردەگرن، كەڕۆژی پێنج شەممە ( 29 ی ئازاری 2025 ) كۆتایی بەدابەشكردنی مووچە دێت.                                  

ئەمەش لەكاتێكدایە، دوێنێ سێ شەممە، سەرجەم رێكارەكانی ناردنی تەموویلی مووچە وەك تەموویلی مووچەی مانگی سێی مووچەخۆران و فەرمانبەران و خانەنشینانی هەرێمی كوردستان، لەلایەن وەزارەتی دارایی حكومەتی فیدراڵەوە تەواو كراو ئەمڕۆ پارەكە كە بڕ‌ی 954 ملیارو 80 ملیۆن و 467 هەزارو 779 دینارە ، خرایە سەر هەژماری بانكی وەزارەتی دارایی و ئابووری هەرێمی كوردستان لە لقی هەولێری بانكی ناوەندی عیراق.

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP