پارێزگاری بانکی ناوەندی: دۆخی دارایی عیراق زۆر نایابە

پارێزگاری بانکی ناوەندی جەختدەکاتەوە لەوەی دۆخی دارایی عێراق نایابە و لە ئەگەری دروستبوونی قەیرانی ئابووری لێرە و لەوێ، ڕووبەڕووی هیچ مەترسییەکی ڕاستەقینە نابنەوە.
ئەمڕۆ عەلی عەلاق پارێزگاری بانکی ناوەندی لە چاوپێکەوتنێکیدا لەگەڵ ڕۆژنامەی سەباح جەختیکردەوە لە ئەگەری دروستبوونی قەیرانی ئابووری لە ناوچەکە و جیهاندا، عێراق ڕووبەڕووی هیچ مەترسییەکی ڕاستەقینە نابێتەوە.
عەلاق وتووشیەتی: دۆخی ئێستای دارایی عیراق زۆر نایابە لە ڕووی کۆنترۆڵکردنی هەڵاوسان و بوونی یەدەگێکی زۆری دراوی بیانییەوە کە بانکی ناوەندییان جێگیرکردووە، جەختیشیکردووەتەوە سەرباری ئەو دۆخەی ڕووبەڕوو عێراق و ناوچەکە بووەتەوە، بەڵام توانراوە سەقامگیریی دارایی بەدیبهێنرێت.
ڕاشیگەیاند، بڕی یەدەگی دارایی پێداویستییەکانی عێراق دابین دەکات، ئەمەش بانکی ناوەندیی عێراق لە بانکە ناوەندییەکانی دیکەی ناوچەکە جیادەکاتەوە.