له‌مه‌ودوا سه‌ربازه‌كانی ئه‌مریكا شته‌كانی پشت چیاو دیواره‌كان ده‌بینن

زانست و تەکنەلۆژیا
04:24 - 2021-03-12

سوپای ئه‌مریكا په‌ره‌ی به‌ جۆره‌ چاویلكه‌یه‌ك داوه‌كه‌ سه‌ربازه‌كانیان ده‌توانن پشتی چیا و دیوار و به‌رزی و نزمیی پێ ببنین.

به‌ چاویلكه‌ نوێیه‌كه‌ ده‌وترێت "سیستمی به‌هێزكردنی ئه‌وپه‌ڕی بینین IVAS" و له‌لایه‌ن یه‌كه‌ی خزمه‌تگوزاریی زانیارییه‌ بینراوه‌كان بۆ بواری به‌رگری DVIDS له‌ وه‌زاره‌تی به‌رگریی ئه‌مریكا په‌ره‌ی پێ دراوه‌.

به‌ به‌كارهێنانی ئه‌و چاویلكه‌یه‌ سه‌ربازه‌كانی سوپای ئه‌مریكا توانای بینینی دیوه‌ نادیاره‌كانی پشت چیا و دیوار و به‌رزی و نزمی و ئۆتۆمبیله‌ زرێپۆشه‌كانیان ده‌بێت، هه‌روه‌ها چاویلكه‌كه‌ پشت به‌ "ژیریی ده‌ستكرد" ده‌به‌ستێت كه‌ به‌هۆیه‌وه‌ سه‌ربازه‌كان ده‌توانن درك به‌ له‌شی مرۆڤ و مادده‌ی ته‌قێنه‌ری پشت به‌ربه‌سته‌كان له‌ تاریكیدا ببینن.

فیلیپ پارتل پله‌دار له‌ سوپای ئه‌مریكا رایگه‌یاندووه‌ كه‌ به‌كارهێنانی ئه‌و چاویلكه‌یه‌ له‌ هه‌ڕه‌شه‌ی سه‌ر سه‌ربازه‌كان كه‌مده‌كاته‌وه‌ و ئه‌دای سه‌ربازه‌كان له‌ گۆڕه‌پانی جه‌نگدا به‌هێزتر ده‌كات، بڕیاریشه‌ له‌ مانگی ته‌مموزی ئه‌مساڵه‌وه‌ چاویله‌كه‌ بدرێت به‌ سه‌ربازانی سوپای ئه‌مریكا.

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP

بەپەلە