کۆمپانیای مێتای خاوەنی وەتسئەپ نیگەرانە لەوەى خزمەت گوزاییەکانى لەئێران بلۆک بکرێن

کۆمپانیای مێتای خاوەنی وەتسئەپ "نیگەرانی" خۆی دەربڕی لەوەی خزمەتگوزارییەکانی لە ئێران بلۆک بکرێن، دوای ئەوەی کەناڵێکی رەسمی دەوڵەت داوای لە خەڵک کرد ئەپلیکەیشنەکە بسڕنەوە و تۆمەتباری کرد بە هاوبەشیکردنی زانیاری لەگەڵ ئیسرائیل.
کەناڵی دووی دامەزراوەی رادیۆ و تەلەڤزیۆنی ئێران دوێنێ داوای لە ئێرانییەکان کرد وەتسئەپ و ئینستاگرام، بە تایبەتی وەتسئەپ، لەسەر مۆبایلەکانیان بسڕنەوە و تۆمەتباری کرد بەوەی ئەپلیکەیشنەکە زانیاریی کەسیی بەکارهێنەران و "دوایین شوێنی زانراو و پەیوەندییەکان"یان کۆدەکاتەوە و لەگەڵ ئیسرائیل هاوبەشیان پێدەکات.
وتەبێژێکی وەتسئەپ بانگەشەکانی میدیای ئێرانی رەتکردەوە و رایگەیاند، هەموو نامەکانی نێردراو لە رێگەی ئەپلیکەیشنەکەوە تەنیا نێرەر و وەرگر دەتوانن بیانبینن.
وتەبێژەکە بە ئاژانسی فرانس پرێسی راگەیاندووە: "نیگەرانین لەوەی ئەم راپۆرتە نادروستانە ببنە بیانوویەک بۆ بلۆککردنی خزمەتگوزارییەکانمان، لە کاتێکدا خەڵک زۆرترین پێویستییان پێیەتی."
دەشڵێت: "ئێمە شوێن پێی کەس هەڵناگرین. بەدوای ئەوەیشدا ناچین کێ نامە بۆ کێ دەنێرێت و چاودێریی ئەو نامە کەسییانەش ناکەین خەڵک بۆ یەکدییان دەنێرن."
 ئاماژەی بەوەشکرد، وەتسئەپ "زانیاریی بەکۆمەڵ بە هیچ حکومەتێک نادات."