تەقینەوەیەک لە تورکیا گیانلەدەستدانى دەیان کەسی لێکەوتەوە

بەهۆی ته‌قینه‌وه‌یه‌ك له‌ توركیا  ده‌یان كه‌س گیانیان له‌ده‌ستدا.
به‌یانی ئه‌مڕۆ لە کارگەیەکی بەرهەمهێنانی تەقەمەنیی لە پارێزگای باڵـک ئەسیری ڕۆژئاوای تورکیا تەقینەوەیەکی گەورە ڕوویداو بەهۆیەوە 12 كه‌س گیانیان له‌ده‌ستداوه‌.
لەوبارەیەوە ئیسماعیل ئوستائـۆغڵـو پارێزگاری باڵـک ـئەسیر ڕایگەیاند‌، به‌پێی زانیارییه‌ سه‌ره‌تاییه‌كان لە ئەنجامی ته‌قینه‌وه‌ی كارگه‌كه‌دا، تا ئێستا 12 کەس گیانیان لەدەستداو سـیانى دیکەش برینداربوون.
وتیشی، چه‌ندین تیمی تەندروستی و بەرگریی شارستانی و هێزە ئەمنییەکان گه‌یشتوونه‌ته‌ شوێنی ڕووداوه‌كه‌و له‌ئێستاشدا هه‌وڵدان بۆ ڕزگاركردنی ئه‌و كه‌سانه‌ی له‌ژێر دارو په‌ردووی كارگه‌كه‌دان.
باسی له‌وه‌شكرد، تاوەكو ئێستا هۆكاری سەرەكیی تەقینەوەكە نەزانراوە، بەڵام تیمەکان لێکۆڵینەوەی وردیان لە ڕووداوەکە دەستیپێکردووە.