كامەران عوسمان لێپرسراوی دیسكی مافی مرۆڤی
رێكخراوی "سی پی تی" ئەمریكی رایگەیاند، شەوی رابردوو سوپای توركیا بە
هێلیكۆپتەر هێرشی بۆ سەر گرێ بەهار و چیای مەتینا لەسنوری گوندەكانی (گوهەرزێ،
بەلاڤا و بەرچێ) لە ناحیەی دێرەلوك لە قەزای ئامێدی سەر بە پارێزگای دهۆك ئەنجامدا .
دەشڵێت: ئەم سێ گوندە، لە چوارچێوەی ئۆپەراسیۆنی
درێژكراوەی چنگی قوفڵی توركیا دابوون كە لە 15ی حوزەیران بۆ یەکی ئاب ئەنجامدرا و
سوپای توركیا توانی چەند بارەگایەكی سەربازی نوێ لەو ناوچەیەدا دروستبكات .
دوێنێش فڕۆكە جەنگییەكانی توركیا چیاكانی كولیتار
دەڕەبی لەسنوری ناحیەی وەرتێ بەچڕی بۆردومانكرد كە بە هۆیەوە ترس و دڵەراوكێ لای
دانیشتوانی سنورەكە دروستكردووە .
بەپێی ئامارێكی رێكخراوی "سی پی تی"
ئەمریكی، لەسەرەتای ئەم ساڵەوە تائێستا بەهۆی ئۆپراسیۆن و لەشكركێشییەكانی توركیا
لەناو خاكی هەرێمی كوردستاندا 18 هاوڵاتی مەدەنی گیانیان لەدستداوە و ٤ هاوڵاتی
دیكەش برینداربوونە .
Copyright © 2020 Kirkuk Tv All Rights Reserved Designed And Developed By AVESTA GROUP