وەزیری پێشمەرگە رایدەگەیەنێت: هیچ بەربەستێكی حەتمی بۆ یەکخستنەوەی هێزی پێشمەرگە نییە، لەبارەی داعشیشەوە دەڵێت هێشتا كۆتایی بە مەترسییەکانی بۆسەر سەقامگیری و ئارامی ناوچەكە نەهاتووە.
شۆڕش ئیسماعیل وەزیری پێشمەرگەی حكومەتی هەرێمی
كوردستان لە چاوپێكەوتنێكدا ئاشكرای دەكات: هیچ بەربەستێك بۆ پڕۆسەی یەكخستنی
سەرجەم یەكەكانی پێشمەرگە نەماوە و هێزەكانی هاوپەیمانانیش بە سەرۆكایەتی ئەمریكا
پشتیوانی ئەم هەوڵانە دەكەن.
وەزیری
پێشمەرگە وتیشی یاداشتێكی لێكتێگەیشتن لەنێوان یەكێتی و پارتی هەیە بۆئەوەی
تاکۆتایی ساڵی 2026 هێزی پێشمەرگە یەك بخرێت.
هەر لەو دیمانەیەدا شۆڕش ئیسماعیل باسی رۆڵی
پێشمەرگەی لە رووبەڕووبووەنەوەی داعشداکرد و رایگەیاند كاتێك داعش وەك هەڕەشەیەكی
گەورە سەریهەڵدا، بەهەموو هێزی خۆمانەوە روبەڕووی بووینەوە و قوربانییەكی
زۆریشماندا.
وتیشی زیاتر لە 10 هەزار بریندار و 2 هەزار
شەهیدمان هەبوو و توانیمان داعش تێكبشكێنین.
لەبارەی سەرهەڵدانەوەی داعشەوە وەزیری پێشمەرگە
وتی داعش هێشتا توانای ئەوەی هەیە وەك هەڕەشەیەكی بەرچاو سەرهەڵبداتەوە و دۆخی
ناوچەکەش هەلومەرجێكی بۆ بەهێزبوونەوەی رێکخراوەکە رەخساندووە. بۆیە هێشتا زۆری
ماوە كۆتایی بە مەترسییەکانی بۆسەر سەقامگیری و ئارامی ناوچەكە بێت.
Copyright © 2020 Kirkuk Tv All Rights Reserved Designed And Developed By AVESTA GROUP