وەزیری دادی عیراق گرفتی خوێندکارە کوردەکانی زانکۆی کەرکوکی چارەسەر کرد

وەزیری دادی عیراق، کێشەی خوێندکارانی کوردی زانکۆی کەرکوک چارەسەردەکات.
دوای درووستبوونی گرفتی وەڵامدانەوەی خوێندکارانی زانکۆی کەرکوک و ناڕەزایەتییەکان، د.خالید شوانی وەزیری دادی عێراق، لەڕێگای پەیوەندیەکی تەلەفۆنەوە داوای لە وەزیری خوێندنی باڵای عیراق کردوە، کێشەی ئەو خوێندکارانە چارەسەربکات، وەزیری خوێندنی باڵاش دەستبەجێ وەڵامی داواکەی د.خالید شوانی داوەتەوە و داوای ئاڕاستەی سەرۆکی زانکۆی کەرکوک و سەرۆکی زانکۆی تەکنیکی کەرکوکی کردوە تا خوێندکارە کوردەکانی کەرکوک بە زمانی کوردی وەڵام بدەنەوە و لەهەمانکاتدا پرسیارەکانیان بۆ بکرێتەوە بە کوردی و تاقیکرنەوەکەی ئەمڕۆشیان بۆ قەرەبوو بکرێتەو.
لەبەرامبەردا وەزیری داد سوپاسی وەزیری خوێندنی باڵای کرد بۆ ئەم هەڵوێستەی.