وەفدێکی یەکێتی بەشداری جەژنی مەسیحییەکان دەکات

بەمەبەستی گەیاندنی پەیامی سەرۆك بافڵ و بەشداریكرن لە جەژنی لەدایكبونی حەزرەتی مەسیح ئەمڕۆ چوارشەممە وەفدێكی یەكێتی نیشتیمانی كوردستان لە پارێزگای نەینەوا كە پێكهاتبوون لە ئاراس محەمەد ئاغا ئەندامی ئەنجومەنی سەركردایەتی و لێپرسراوی مەڵەندی حەوتی نەینەوای ی ن ك و وەفدێكی باڵای مەڵبەند سەردانی خوشك و برا مەسیحیەكانیان كرد لە سنوری پارێزگاكە و ژمارەیەك كەنیسەیان لە سنوری قەزای حەمدانیە و بەرتلە و بەعشیقە و بەعزانی بەسەركردەوە.
هەر لەسەردانەكەیاندا وەفدەكەی یەكێتی نیشتمانیی كوردستان ژمارەیەك كەسایەتی ڕیش سپی و گەورەپیاوانی ئەو ئاینەیان بەسەركردەوە و پەیامی پیرۆزبایی سەرۆك بافڵ جەلال تاڵەبانیان گەیاندە خوشك و برا مەسیحییەكان و هیوایانخواست كە هەمیشە لە جەژن و خۆشیدابن.