گۆتێرێس: پێویستە قۆناغی گواستنەوە لە سووریا ئاشتییانە بێت

سكرتێری گشتی نەتەوە یەکگرتوەکان رایدەگەیەنێت: قۆناغی گواستنەوە لە سوریا دەبێت هەمەلایەنە ئاشتیانە بێت.
ئەنتۆنیۆ گۆتێرێس، سكرتێری گشتی رێكخراوی نەتەوە یەکگرتووەکان رایگەیاند: پێویستە گۆڕانكاری ریشەیی لە سووریادا بكرێت و قۆناغی گواستنەوەی هەمەلایەنە و متمانەپێکراو و ئاشتییانە بێت و یەکپارچەیی خاکی سووریا بپارێزرێت.
وتیشی: جگە لە هێزەکانی ئاشتیپارێز، نابێت هیچ هێزێک لە بەرزاییەکانی جۆلان، كە ناوچەیەكی لە چەك داماڵراوە ئامادە بێت.
سكرتێری گشتی رێكخراوی نەتەوە یەکگرتوەکان ئاماژەی بۆ ئەوەشكرد، پێشتر لەسەردەمی رژێمی بەشار سزاكان جێبەجێ دەكران، بەڵام ئێستا دۆخەكە گۆڕاوە و بۆ نیشاندانی هاودەنگی لەگەڵ گەلی سووریا پێویستە یەكەم ئاماژە  هەڵگرتنی سەرجەم سزاکان بێت.