بانکی ناوەندی عیراق پێدانی دۆلار بە گەشتیاران کەمدەکاتەوە

بانکی ناوەندی عێراق بڕیارێکی دەرکرد بۆ كه‌مكردنه‌وه‌ی خستنەڕوی دۆلاری نەختینەیی بە ڕێژەی 30% بۆ بانکە حکومییەکان و کۆمپانیاکانی دراو، دواتریش له‌ ساڵی نوێدا سه‌كۆی ئه‌لیكترۆنی كۆتایی پێده‌هێنێت و رێگه‌یه‌كی نوێ ده‌گیرێته‌به‌ر.
به‌گوێره‌ی نوسراوێكی بانكی ناوه‌ندی عێراق كه‌ ئاڕاسته‌ی هه‌ریه‌كه‌ له‌ بانكه‌كانی ره‌شید، رافیده‌ین، تی بی ئای و کۆمپانیاکانی ئاڵۆگۆڕی دراوی كردووه‌، تیایدا هاتووه‌، "له‌پێناو به‌ده‌ستهێنانی دۆلاری نەختینە بۆ گەشتیاران لە پشووی سەری ساڵ و پشوی بانکەکان لە 2ی 1ی 2025، داواکارییەکانیان لە رۆژانی 30 و 31ی 12ی 2024 وەردەگیرێت بۆ کڕینی دۆلار لە رێگەی سەکۆی ئەلیکترۆنییەوە".
هه‌روه‌ها ڕوونیكرده‌وه‌، "رێژەی خستەڕوی دۆلاری به‌شێوه‌ی نەختینەیی لە ڕۆژانی 30ی 31ی 12ی 2024 بە ڕێژەی 30% کەمتر دەبێتەوە"، به‌ڵام ده‌ڵێت، "پێشتر ئەو داواکارییەی بانکە حکومییەکان و کۆمپانیاکانی ئاڵوگۆڕی دراو پێشكه‌شیان کردبێت بۆ کڕینی دۆلار، 80%یان وەردەگیران".
بڕیاره‌ سه‌كۆی ئه‌لیكترۆنی كه‌ بریتی له‌ فرۆشتنی دۆلار به‌شێوه‌ی كاش و حه‌واڵه‌ كۆتایی پێبهێنرێت.