دۆناڵد تره‌مپ سه‌رۆكی ئه‌مریكا ڕایگه‌یاند، چوار
فه‌رمانی جێبه‌جێكردنیان ئیمزاکردووە و ئامانجیان دووباره داڕشتنه‌وه‌ی ئیداره و
پێكهاته‌ی سوپای ئه‌مریكایه، له‌گه‌ڵ بڕگه‌كانی تایبه‌ت به ڕێوشوێنی هه‌مه‌جۆریی
و رێگریكردن له ئه‌ندامانی ره‌گه‌زگۆڕاو له ڕیزه‌كانی سوپادا.
دۆناڵد تره‌مپ له‌كاتی گردبوونه‌وه‌یه‌كدا له‌گه‌ڵ
په‌یامنێران له‌ناو فڕۆكه‌ی سه‌رۆكایه‌تیدا ئاماژه‌ی به‌وه‌شكرد، فه‌رمانی جێبه‌جێكردنی
بۆ دامه‌زراندنی پرۆسه‌یه‌ك به‌مه‌به‌ستی په‌ره‌پێدانی سیسته‌مێكی به‌رگری موشه‌كی
ئیمزاکردووە.
به‌گوێره‌ی راگه‌یه‌ندراوی كۆشكی سپی، ئەو فه‌رمانەی
دۆناڵد تره‌مپ ئیمزاکردووە و رێگە بە كه‌سانی ره‌گه‌زگۆڕاویش نادات بچنە خزمەتی سه‌ربازی.
فه‌رمانی جێبه‌جێكردنه‌كه ڕێنمایی پنتاگۆن ده‌كات
بۆ نوێكردنه‌وه‌ی ستاندارده پزیشكییه‌كان، له‌وانه‌ش كۆتاییهێنان به به‌كارهێنانی
جێگره‌وه‌ی ڕه‌گه‌زی.
له فه‌رمانه‌كه‌دا هاتووه، ده‌بێت خزمه‌تكردنی
سه‌ربازی توانای جه‌سته‌یی و ده‌رووندرووستی لەبەرچاوبگرێت بۆیە رێگە بە کەسانی
رەگەزگۆڕاو نادرێت لەو بوارەدا بەشداربن.
پێشتر كه‌ناڵی سی ئێن ئێنیش بڵاویكرده‌وه چاوه‌ڕوان
ده‌كرێت تره‌مپ ئه‌و فه‌رمانانه ئیمزا بكات.
Copyright © 2020 Kirkuk Tv All Rights Reserved Designed And Developed By AVESTA GROUP