نەتەوە یەکگرتووەکان دژی بڕیارێکی تڕەمپ بۆ گواستنەوەی دانیشتوانی غەزە دەوەستێتەوە

ماتیۆ سالتمارش وتەبێژی کۆمیسیاری باڵای نەتەوە یەکگرتووەکان بۆ مافەکانی مرۆڤ رایگەیاند، نەتەوە یەکگرتووەکان دژی هەرچەشنە گواستنەوەیەکی زۆرەملێی دانیشووانی غەززەیە.
ئاماژەی بەوەشکرد، "نەتەوە یەکگرتووەکان دژی هەر بیرۆکەیەکە کە ببێتە هۆی کۆچی زۆرەملێی خەڵک، یان بابەتێکی هاوشێوەی کە پەیوەندیدارە بە پرسی مافەکانی مرۆڤەوە".
ئەمەش دوای ئەوە دێت، رۆژی 26ی ئەم مانگە، دۆناڵد تڕەمپی سەرۆکی ئەمریکا رایگەیاند، لەرێگای ئوردون و میسڕەوە دانیشتووانی غەززە دەگوازنەوە، وتیشی، "غەززە پاکدەکەینەوە".