ئەندامێکی ئەنجومەنی نوێنەرانی عیراق رایدەگەیەنێت:"
ژیانی مامۆستایانی مانگرتوو لە مەترسیدایە و داوا لە سەرۆکایەتی ئەنجومەنی نوێنەران
و سەرۆک وەزیرانی عیراق دەکەین لیژنە بنێرن بەمەبەستی گوێگرتن لەداواکاریەکانیان".
کاروان یاروەیس ئەندامی ئەنجومەنی نوێنەرانی عیراق
لە فراکسیۆنی یەکێتی بەوێبسایتی رەسمیی یەکێتیی نیشتمانیی کوردستان PUKMEDIA ی رایگەیاندووه:" ژیانی مامۆستایانی مانگرتوو لە مەترسیدایە و
ماوەی پێنج رۆژە ژمارەیەک مامۆستا و فەرمانبەر بەمەبەستی جێبەجێکردنی تەوتین و چارەسەرکردنی
کۆتایی مووچە، لەبەردەم ئۆفیسی un لەسلێمانی مانیان گرتووەو ژمارەیەکیشیان بەهۆی
نەخواردنی نان و ئاو سەرماوە باری تەندروستییان تێکچووە".
"مامۆستایان و فەرمانبەرانی سلێمانی لەماوەی چەند ساڵی رابردوشدا بەشێوازی
جیاجیای مەدەنی داوای چارەسەرکردنی دواکەوتنی مووچەو تەوتین و پلەبەرزکردنەوەیان
کردووە، هەربۆیە داوا لە سەرۆکایەتی ئەنجومەنی نوێنەران و سەرۆک وەزیرانی عیراق دەکەین
لیژنە بنێرن بەمەبەستی گوێگرتن لەداواکاریەکانیان، پێش ئەوەی زیاتر باری تەندروستی
مانگرتووان تێکبچێت"، کاروان یاروەیس وایوت.
Copyright © 2020 Kirkuk Tv All Rights Reserved Designed And Developed By AVESTA GROUP