وەزارەتی دارایی هەرێم : لیستی مووچەی مانگی 1 دەبێتە بنەما بۆ ژمارەی مووچەخۆرانی ئەمساڵ

ئابوری
17:41 - 2025-02-12


وەزارەتی دارایی هەرێم جەخت لەبڕیارەكانی ئەنجوومەنی وەزیران دەكاتەوە و رایدەگەیەنێت: "لیستی مووچەی مانگی 1 دەبێتە بنەما بۆ ژمارەی مووچەخۆرانی ئەم ساڵی هەرێم و شایستە داراییەكانیان"، هاوكات راگرتنی ئەژماركردنی خزمەت بۆ مەبەستەكانی وەزیفەی گشتی و دامەزراندن و پلەبەرزكردنەوەو گواستنەوەو دەرماڵەی مووچەخۆرانی راگرت.

لە راگەیەندراوێكی وەزارەتی دارای و ئابوری هەرێمدا هاتووە:" لەبارەی گشتاندنی دارایی ژمارە (3)ی ساڵی(2025)، تایبەت بە یەكخستنی رێكارە داراییەكان لەنێوان حكومەتی هەرێمی كوردستان و حكومەتی فیدراڵ، لەم رێنماییەداو بەبەهانە ئەوەی خشتەكانی بودجەی عیراق بۆ ساڵی 2025 هێشتا لەپەرلەمان پەسند نەكراوە، حكومەتی هەرێم وەزارەتەكانی پابەندكردووە بە لیستی موچەی مانگی (1)ی ئەمساڵ و لەسەر ئەو بنەمایانە هەموو ئەم بابەتانەی راگرتووە".

ئاماژە بەوەشدراوە: "دامەزراندن بەهەموو شێوازەكانی هەمیشەیی، گریبەست، كاتی، دامەزراندن لەسەر داهاتی ناوخۆ، بەلەجیاتی دانان، وانەبێژ، خۆبەخش، هاوكات بەخشین و بەستی دەرماڵەی نوێ بۆ سەرجەم مووچەخۆران و پابەندبوون بەو رێژەو بڕانەی دەرماڵە كە لەلیست مووچەی كانونی دووەمی 2025دا هاتووە رادەگیرێن".

لەڕاگەیەندراوەكەدا ئەوەشخراوەتەڕوو: "گواستنەوەی راژەی فەرمانبەران لەنێوان سەرجەم وەزارەت و لایەنە نەبەستراوەكان بە وەزارەت قەدەغەیەو ئەژماركردنی خزمەت بۆ مەبەستەكانی وەزیفەی گشتیی رادەگیرێت".

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP