وەزارەتی دارایی ده‌نگۆی نەبوونی نەختینە بۆ مووچە رەتدەکاتەوە

وەزارەتی دارایی عێراق  دەستی بە دابەشکردنی مووچەی مانگی شوباتی کردو، دەنگۆی کورتهێنان و نەبوونی نەختینەشی بۆ مووچە رەتکردەوە.

وەزارەتی دارایی عێراق ڕایگەیاند، مووچەخۆران لەکاتی خۆیدا مووچە وەردەگرن و دابەشکردنی مووچەی مانگی شوبات دەستپێدەکات بەبێ دواکەوتن.

دەشڵێت،  ئەو دەنگۆیانەی بڵاوبوونەوە لەبارەی نەبوونی نەختینە و کورتهێنان لە بودجە راست نین
.
ئەمەش لەکاتێکدایە وابڵاوکرابووەوە کە وەزیری دارایی عێراق هۆشداری لە درووستبوونی کێشە بۆ دابەشکردنی موچە داوە و بۆ ئەو مەبەستەش سەرۆکوەزیرانی عێراقی ئاگادارکردۆتەوە.