پێنج ڕێکخراوی بواری مافەکانی مرۆڤ و ئاشتیی لە نیویۆرک په‌یامێكیان ئاراسته‌ی مارکۆ ڕۆبیۆ، وەزیری دەرەوەی ئەمریکا كردووه داواینكردووه کردووه، ئه‌مریكا تاوانەکانی تورکیا دژی کورد راگرێت.
له په‌یامێكدا كه لەلایەن رێكخراوه‌كانی ( کۆمەڵەی نێونەتەوەیی توێژینەوەی ئاشتیی، یەکێتی خۆڕاگرانی جەنگ، خوشک و برایەتی ئاشتەوایی، کۆڕبەندی گەلانی ژێردەستە و دەستپێشخەری چالاکی بەرخۆدان) بە ناونیشانی "تاوانەکانی جەنگی دەوڵەتی تورک لە دژی گەلی کورد ڕاوەستێنن" ئاڕاستەی مارکۆ ڕۆبیۆ، وەزیری دەرەوەی ئەمریکا کراوه، هاتووه:" لە دوای ڕووخانی ڕژێمی ئەسەد، دەوڵەتی تورک هێرشی بەرفراوان و قورس لە دژی هەرێمەکانی باکور و رۆژهەڵاتی سوریا دەستپێکردووە، ئەم پڕۆسەیە دەبوو بگۆڕدرایە بۆ پرۆسەی دیالۆگی ئاشتیی و دیموکراتیک، کەچی لەبەر بەرژەوندی هێزەکانی دەرەوە گۆڕا بۆ گۆڕەپانی شەڕ و مەترسی ئارامی هەرێمەکە بە تایبەت لە لایەن دەوڵەتی تورکیاوه".
باس لەوەشکراوە:" دەوڵەتی تورک فرۆکەی بێفرۆکەوان و فرۆکەی جەنگی F-16 و تۆپ لە دژی مەدەنییەکان کە لە بەنداوەکە کۆدەبنەوە و مەدەنییەکانی دەوروبەری هەرێمەکە بە کارهێناوە، ئەم هێرشانە بوون بە هۆکاری ئەوەی چەندین قوربانی لێبکەوێتەوە".
هه‌ر له‌و په‌یامه‌دا ئه‌وه‌شخراوه‌ته‌وه كه:" ئێستا دەرفەتی باش هەیە هێرشەکانی تورکیا لە دژی گەلی کورد ڕابگیرێت و وتراوە، ئۆجه‌لان پێشتریش چەندین جار خواستی بۆ چارەسەری ئاشتیی کێشەی کورد دەربڕیوە و لە دیدارەکەی لەگەڵ پەرلەمانتارانی پارتی یەکسانی و دیموکراسی گەلان (دەم پارتی) ئەم داواکارییەی دووپات کردەوە."
له به‌شێكی دیكه‌ی په‌یامه‌كه‌دا هاتووه:" ئەم دەرفەتە ڕەنگە لە ڕێگەی فشاری سیاسی واشنتۆنەوە بێتە ئاراوە، چونکە تورکیا هاوپەیمانێکی ستراتیژی ئەمریکایە و ئەندامی ناتۆیە، هەربۆیە بۆ ئەوەی تەواوی هێرشەکان لەسەر هەرێمەکانی باکور و ڕۆژهەڵاتی سوریا ڕابگیرێت، داواکاریمان لە ئێوە ئەوەیە کە هەرچی لە دەستان دێت ئەنجامی بدەن"
Copyright © 2020 Kirkuk Tv All Rights Reserved Designed And Developed By AVESTA GROUP