هەڵبژاردنی پەرلەمان لە ئەڵمانیا بەڕێودەچێت

جیهان
12:00 - 2025-02-23

به‌یانی ئه‌مڕۆ ‌ هه‌ڵبژاردن بۆ په‌رله‌مانی ئه‌ڵمانیا ده‌ستیپێكردو 59 ملیۆن و 200 هه‌زار كه‌س مافی ده‌نگیان هه‌یه‌و له‌ نێوان 41 پارت و لیستی جیاواز كاندیدی خۆیان بۆ 730 كورسی په‌رله‌مان هه‌ڵده‌بژێرن.
بەپێی راپرسییەك، پارتی سۆسیال دیموكراتی ئۆلاف شۆڵتز، راوێژكاری ئەڵمانیا دەنگەكانی كەمدەكات و 16٪ی دەنگەكان بەدەست دەهێنێت بەوەش دەكەوێتە ریزبەندی سێیەم پارتی وڵاتەكە.
لە راپرسییەكەدا پێشبینی كراوە و پارتی یەكێتی دیموكرات مەسیحی ئەڵمانیا بە بەدەستهێنانی نزیكەی 30٪ی دەنگەكان ببێتە پارتی یەكەم و دوای ئەویش پارتی راستڕەوی ئەڵتەرناتیڤ بە بەدەستهێنانی 20٪ لە ریزبەندی دووەمدا بێت و دوای ئەویش سەوزەكانی ئەڵمانیا بە بەدەستهێنانی 13٪ دەنگەكان ببنە چوارەم.
دوای كردنەوەی سندوقەكانی دەنگدان لە سەعات هەشتی بەیانی، پڕۆسەكە تاوەكو سەعات شەشی ئێوارە بەردەوام دەبێت و لەگەڵ داخستنی بنكەكانی دەنگدان، ئەنجامە بەراییەكان بڵاودەكرێنەوە، سبەینێش ئەنجامی كۆتایی رادەگەیەنرێت.


بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP