ئەنجوومەنی ئاسایش پڕۆژە بڕیارێكی بۆ كۆتاییهێنان بە جەنگی ئۆکرانیا پەسەندكرد

ئەنجوومەنی ئاسایشی نێودەوڵەتی پرۆژە بریارێكی پەسەند كرد كە داوای كۆتاییهێنان بە جەنگی ئۆکرانیا دەكات، سەرۆكی ئەمریكاش دەڵێت كۆتاییهاتنی جەنگەكە نزیكە.
لە كۆبونەوەی دوێنێ شەوی ئەنجومەنی ئاسایشی نێودەوڵەتییدا، بە كۆی دەنگ پرۆژە بریارێك پەسەند كرا كە لەلایەن ئەمریكاوە ئامادە كراوە و داوای كۆتاییهاتنی جەنگی ئۆكراین دەكات، لە پرۆژە بریارەكەدا داوای ئاشتی كراوە لە ئۆكراین بە زووترین كات، بەبێ ئەوەی هیچ ئاماژەیەكی بۆ یەك پارچەیی خاكی ئەو وڵاتە تێدا بێـت .
لە كۆی 15 ئەندامی ئەنجوومەنەكە، 10 وڵات لە نێویشیاندا روسیا پرۆژە بریارەكەیان پەسەند كردووە و 5 وڵاتیش كە هاوپەیمانی ئۆکرانیا پرۆژە بریارەكەیان رەتكردەوە كە ئەوانیش هەریەك لە فەەرەنسا و بەریتانیا و سلۆڤانیا و یۆنان و دانیماركن .
لەلایەكی تریشەوە دۆناڵد ترەمپ سەرۆكی ئەمریكا لەكۆشكی سپی لەگەڵ ئیمانوێل ماكرۆن سەرۆكی فەرەنسا كۆبوەوە و دوای كۆبونەوەكە لە كۆنفرانسێكی رۆژنامەوانیدا رایگەیاند، رێككەوتنی نێوان روسیا و ئۆكراین نزیكبوەتەوە. لایخۆشیەوە ماكرۆن هۆشداریدا لە هەر ڕێككەوتنێك لەئۆكراین كە گرەنتی ئەمنی تێدا نەبێت .