بانكی جیهانیی رایگەیاند: جەنگ زیانی زۆری بە ئۆكرانیا
گەیاندوەو ئەو وڵاتە پێویستی بە زیاتر لە 500 ملیار دۆلار هەیە.
بانكی جیهانی زیانە ئابورییەكانی ئۆكراینی ئاشكراكردو
رایگەیاند : لە ماوەی 3 ساڵی جەنگدا 176 ملیار دۆلار زیان بە ئۆكرانیا گەیشتووە كە
زۆربەی بەهۆی وێرانبوونی خانو و شوێنی نیشتەجێبوونەوە بـــووە.
لە ئامارەكاندا دەركەوتووە 13٪ی سەرجەم خانو و شوێنەكانی
نیشتەجێبوون لە ئۆكرانیا بەهۆی هێرشەكانیانی روسیاوە روخاون.
بانكی جیهانی جەختی لەوە كردووەتەوە، كە ئۆكرانیا
پێویستی بە لانیكەم 524 ملیار دۆلارە بۆ نۆژەنكردنەوەو بنیادنانەوەی كە زیاتر لە
10 ساڵ دەخایەنێت.
لەلایەکی دیکەشەوە یەكێتی ئەوروپا دەڵێت: تێچووی ئاوەدانكردنەوەی
وڵاتەكە سێ هێندەی قەبارەی سەرجەم داهاتەكەیەتی.
Copyright © 2020 Kirkuk Tv All Rights Reserved Designed And Developed By AVESTA GROUP