ترەمپ مۆڵەتی نیشتەجێبون لە ئەمەریکا بە پێنج ملیۆن دۆلار دەفرۆشێت

ترەمپ، رێگایەکی نوێ بۆ وەرگتنی رەگەزنامەی ئەمریکی جێبەجێدەکات، کە بریتییە لە کڕینی موڵکێکی گرانبەها.
دۆناڵد ترەمپ سەرۆکی ئەمریکا رایگەیاند: رێگایەکی نوێ بۆ پێدانی رەگەزنامەی ئەمریکی تایبەت بە کەسانی بیانی جێبەجێدەکرێت، ئەویش بریتییە لە کڕینی موڵکێکی گرانبەها کە بەهاکەی لە پێنج ملیۆن دۆلار کەمترنەبێت.
وتیشی: دەستپێشخەرییەکەمان ناوی کارتی زێڕینە، چونکە رێگایەکە تا بیانییەکان لە چەندین تایبەتمەندی گرنگ سوودمەندبن وەک مانەوە لە ئەمریکا و دەستەبەرکردنی ژیان و مافەکانیان”.
ئەوەشی خستووەتەڕوو: لە دوو هەفتەی داهاتوودا دەست بە فرۆشتنی کارتەکان دەکرێت و جێگای پڕۆگرامی ڤیزای وەبەرهێنانی تایبەت بە کۆچبەران دەگرێتەوە،  کە لەماوەی رابردوودا ئەو کەسە بیانییانەی سەردانی ئەمریکایان کردبوو لە رێگایەوە پارەیان دەخستە پڕۆژەکانەوە.