فراکسیۆنی یەکێتی لە ئەنجومەنی نوێنەرانی عیراق داوای پەلەکردن لە هەڵدانەوەی گۆڕە بە کۆمەڵەکان دەکات، پەرلەمانتارێکی یەکێتیش دەڵێت: سەرۆکوەزیرانی عیراق رەزامەندی لەسەر داواکارییەکە دەربڕیوە.
سروه محه‌مه‌د ئه‌ندامی فراکسیۆنی یەکێتی لە ئه‌نجومه‌نی نوێنه‌رانی عیراق راگه‌یاند: کۆتا جار گۆڕێک لە سەماوە هەڵدرایەوە کە 150 رووفاتی تێدابوو، کە هەموویان ژن و منداڵ بوون، هەروەها گۆڕێکی زۆری دیکەش هەیە کە پێویستە پەلە بکرێت لە هەڵدانەوەیان.
رایشیگەیاند: لە بارەی هەڵدانەوەی ئەو گۆڕانەی کە هەڵنەدراونەتەوە، داوام لە سەرۆکوەزیرانی عیراق کرد ئەوانیش هەڵبدرێنەوە کە تازە دۆزراونەتەوە، ئەویش رەزامەندی نیشاندا و نوسراوێکی بۆ دەزگای شەهیدانی عیراق کرد، بەمەبەستی ئامادەکاری بۆ هەڵدانەوەی گۆڕەکانی دیکە"،
رۆژی ٢٢-١٢-٢٠٢٤ گۆڕێكی بەكۆمەڵ لە بیابانی تەل شێخیەی پارێزگای سەماوە دۆزرایەوە، كە رووفاتی 150 ژن و منداڵی تێدابوو، لە دوای روخانی رژێمی به‌عسیشەوە لە ساڵی 2003 له چه‌ند گۆڕێكی به‌كۆمه‌ڵدا ژماره‌یه‌ك روفاتی ئه‌نفالكراو له‌ناوچه جیاوازه‌كانی عیراق ده‌رهێنراونه‌ته‌وه.
Copyright © 2020 Kirkuk Tv All Rights Reserved Designed And Developed By AVESTA GROUP