له‌ بۆردومانه‌كانی ئیسرائیلدا ژماره‌یه‌ك سه‌ركرده‌و لێپرسراوی باڵای حه‌ماس گیانیان له‌ده‌ستدا

جیهان
17:37 - 2025-03-18


به‌هۆی بۆردومانه‌كانی به‌ره‌به‌یانی ئه‌مڕۆی ئیسرائیل، وێڕای كوژران و برینداربوونی سه‌دان هاووڵاتی، چه‌ندین سه‌ركرده‌و لێپرسراوی باڵای حكومی و سیاسی (بزوتنه‌وه‌ی حه‌ماس)و حكومه‌ته‌كه‌ی له‌ غه‌ززه‌  كوژران.

به‌پێی راگه‌یه‌ندراوێكی نوسینگەی حكومه‌تی حه‌ماس لە كه‌رتی غەززە و راگه‌یه‌ندراوی سه‌رایای قودس، ئه‌مڕۆ سێشەممە 18ی ئاداری 2025 هێزی ئاسمانی سوپای ئیسرائیل، ژماره‌یه‌ك سه‌ركرده‌ و كه‌سایه‌تیی له‌ كه‌رتی غه‌ززه‌ كوژراون، له‌ نێویاندا: ئه‌بو حه‌مزه‌ وته‌بێژی سه‌رایا قودس، محه‌مه‌د جماسی ئه‌ندامی مه‌كته‌بی سیاسی حه‌ماس، یاسیر حه‌رب، ئه‌ندامی سه‌ركردایه‌تی و سیاسی حه‌ماس له‌ غه‌زه‌،  عیسام ئەلدەعالیس، سەرۆکی باڵای بەدواداچونی کارەکانی حکومەت، مه‌حمود ئه‌بو وه‌تفه‌، بریكاری وه‌زاره‌تی ناوخۆ، ئەحمەد ئەلحەتا، فەرماندەو ڕاوێژکارو یاریدەدەری ئەمینداری وەزارەتی داد، بەهجەت ئەبو سوڵتان، بەڕێوەبەری گشتی خزمەتگوزاری ئاسایشی ناوخۆ".

هه‌ر به‌پێی راگه‌یه‌ندراوه‌كه‌:"، "ئه‌و سه‌ركرده‌و لێپرسراوانه‌ خۆیان و خانه‌واده‌کانیان ڕاستەوخۆ لەلایەن فڕۆکەکانی ئیسرائیله‌وه‌ کراونەته‌ ئامانج و گیانیان لەدەستداوه‌"

وەزارەتی تەندروستییش لە غەززە ڕایگەیاند:" به‌هۆی هێرشە بەردەوامەکانی ئیسرائیل بۆسەر کەرتی غەززە لە بەرەبەیانی ئەمڕۆوە 415 کەس کوژراون."

 

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP