محه‌مه‌د باقر قالیباف سه‌رۆكی ئه‌نجومه‌نی شورای ئیسلامی ئێران، جه‌خت له هه‌مواركردنه‌وه‌ی یاسای (پاكیزه‌یی و حیجاب) ده‌كاته‌وه‌و رونشیده‌كاته‌وه، یاسا نوێیه‌كه مه‌فره‌زه‌كانی (رێنمایی) پۆلیسی ئاكار، به ته‌واوه‌تی هه‌ڵده‌وه‌شێنێته‌وه.
میدیا ناوخۆییەکانی ئێران بڵاویكردووه‌ته‌وه كه:" قالیباف دوێنێ سێشممه لە پەیامێکدا رایگەیاندووە:"ئامانجی ئەو هەموارکردنانە گۆڕینی شێوازی مامەڵەکردن لەگەڵ پرسی حیجاب و گەیشتن بە کۆدەنگی گشتیی لەسەری."
ئه‌مه له‌كاتێكدا لە ساڵانی ڕابردوودا، به‌هۆی یاسی پابه‌ندكردنی ژنان به پۆشینی (حیجاب) و شێوازه‌كانی جێبه‌جێكردنی، خۆپیشاندانی ناڕه‌زایی له‌و وڵاته‌دا چه‌ندین شاری ده‌گرته‌وه، كه دوایینیان ئه‌و خۆپیشاندنانه بوو كه به (ژینا) ناسرا.
Copyright © 2020 Kirkuk Tv All Rights Reserved Designed And Developed By AVESTA GROUP