وەزارەتی دارایی هەرێمی کوردستان سه‌باره‌ت به مووچه‌ی مانگی سێ راگه‌یه‌ندراوێكی بڵاوكرده‌وه‌و ئاماژه‌ی بۆئه‌وه‌كردووه، رێکارەکانی ناردنی مووچەی مانگی سێ لە بەغدادەوە تەواوبوون و سبەی پارەکە دەخرێتەسەر هەژماری وەزارەتەکەیان كه زیاتر لە 954 ملیار دینارە.
وەزارەتی دارایی و ئابووری هەرێمی کوردستان له‌و راگه‌یه‌ندراوه كه ئه‌مڕۆ 25ی ئاداری 2025 بڵاویكرده‌وه رایگه‌یاندووه:"سەرجەم رێکارەکانی ناردنی تەمویلی مووچەی مووچەخۆران بۆ مانگی ئادار تەواوکراو سبەینێ پارەکە دەنێردرێت."
ئه‌وه‌شخراوه‌ته‌ڕو كه:" وەزارەتی دارایی فیدڕاڵ رێکارەکانی تەمویلی مووچەی مانگی ئاداری تەواوکردووە کە بڕەکەی 954ملیار و 880ملیۆن و 467هەزار دینارە وەک تەمویلی مووچەی مانگی ئاداری مووچەخۆران و فەرمانبەران و خانەنشینانی هەرێمی کوردستان."
باسی له‌وه‌شكردووه:" بڕیارە سبەینێ پارەکە بخرێتە سەر هەژماری بانکیی وەزارەتی دارایی و ئابووریی هەرێمی کوردستان لە لقی هەولێری بانکی ناوەندیی عێراق."
Copyright © 2020 Kirkuk Tv All Rights Reserved Designed And Developed By AVESTA GROUP