دانوستانەكانی ئێران و ئەمریكا لەژێر چاودێریی خامنەیی بەڕێوەدەچن

بڕیارە شەممەی داهاتوو وەزیری دەرەوەی ئێران بە رێنمایی و راسپاردەكانی عەلی خامنەیی رێبەری ئێران، لە عومان لەگەڵ نوێنەری ترەمپ بۆ كاروباری رۆژهەڵاتی ناوەڕاست، بە ناڕاستەوخۆ كۆببنەوە.
ئێران بانگەشەی ئەوەدەكات بەدوای شەڕەوە نییە و ئەمە هەڵوێستێكی بنچینەیی و باوەڕپێكراوە، نەك تاكتیك، بەڵكو بە رێزگرتن لە وڵاتانی دراوسێ و موسڵمان خوازیاری ژیانێكی ئاشتییانەیە لەگەڵیاندا.
بەرپرسانی ئێران دەڵێن، رێبەرەكەیان دژی وەبەرهێنانی دەرەكی نییە، تەنانەت لەلایەن ئەمریكییەكانیشەوە، بە مەرجێك لەگەڵ پیلانگێڕی و رووخاندا نەبێت، بەڵام هێشتا متمانەی بەلایەنی بەرامبەر نییە و ئێران هەرگیز دەستبەرداری دەستكەوتەكانی نابێت.
ئەمە لە کاتێکدایە پێشتر ترەمپ وتبووی ئەگەر ئێران دانوستان نەکات و واز لە بەرنامە ئەمییەکەی نەهێنێت، هێرش دەکەینە سەری.