کۆبونەوەکەی ئەمڕۆی ئەنجومەنی وەزیرانی هەرێمیی کوردستان کە بڕیار بوو چەند تەوەرێک لە خۆبگرێت بۆ کاتێکی نادیار دواخرا .
بڕیار بوو لە کۆبونەوەکەی ئەمڕۆی ئەنجومەنی وەزیراندا، پرسی مووچەی مانگی چوارى مووچەخۆران و فەرمانبەرانی هەرێمی کوردستان و کەمکردنەوەی تێچووی بەکارهێنانی کارەبالە پرۆژەی کارەبای 24 سەعاتى گفتوگۆیان لەسەر بکرێت.
هەروەها بڕیاریش بوو هەر لە کۆبوونەوەکەدا وەزارەتەکان و لایەنەکانی نەبەستراو بە وەزارەتەکان، بۆ هەماهەنگی و هاریکاریی دەستەی هاوبەشی وردبینیی هەردوو دیوانی چاودێریی دارایی فیدراڵ و هەرێمی کوردستان رادەبسپێردرێن.
Copyright © 2020 Kirkuk Tv All Rights Reserved Designed And Developed By AVESTA GROUP