ترەمپ بەرەو رۆژهەڵاتی ناوەڕاست بەڕێکەوت

ئەمڕۆ دۆناڵد ترەمپ سەرۆکی ئەمریکا سەردانەکەی بۆ سعودیە و ئیمارات و قەتەر دەستپێکرد و سەردانەکەشی بە مێژوویی ناوبرد.

فڕۆکەی سەرۆکایەتی ئەمریکا لە بنکەی ئاسمانی ئەندرۆزەوە بەرەو ریازی پایتەختی سعودیە بەرزبووە، سەردانەکەش هاوکاتە لەگەڵ ئازادکردنی بارمتەیەکی ئیسرائیلی-ئەمریکی، کە حەماس لە کەرتی غەزەوە رادەستی خاچی سوری نێودەوڵەتی کرد، 

ترەمپ یەکەمجارە دوای وەرگرتنەوەی پۆستی سەرۆکایەتی، سەردانی دەرەوەی وڵات دەکات، دوای سەردانە کورتەکەی بۆ رۆما و بەشداری لە مەراسیمی بەخاکسپاردنی  پاپا فرانسیسی ڤاتیکان، پێش هەشت ساڵ لەمەوپێش و لە یەکەم ویلایەتی سەرۆکایەتییەکەیدا، بەهەمان شێوە سعودییەی وەک یەکەم سەردانی دەرەوەی وڵات هەڵبژارد.

ترەمپ لەو سەردانەیدا، مەبەستییەتی چەندین رێکەوتننامەی بازرگانی لەگەڵ وڵاتانی کەنداو ئیمزا بکات، هەروەها پێش بەرێکەوتنی رایگەیاند: داوا لە شازادەی جێنشین دەکەم، بڕی پارەکانی بۆ ئێمە زیاد بکات و بگاتە  نزیکەی یەک ترلیۆن دۆلار، چونکە ئێمە دەیانپارێزین.