ته‌ماته‌ یارمه‌تی‌ پارێزگاریكردن ده‌دات له‌ لاوازبوونی‌ ئێسك‌و شكاندنی‌

به‌پێی توێژینه‌وه‌یه‌كی‌ نوێی ته‌ندروستی‌ كه‌ له‌كه‌نه‌دا ئه‌نجامدراوه‌ ده‌ركه‌وتووه‌، ته‌ماته‌ یارمه‌تی‌ پارێزگاریكردن ده‌دات  له‌ لاوازبوونی‌ ئێسك‌و شكاندنی‌.

ته‌ماته‌ یه‌كێكه‌ له‌و خۆراكانه‌ی‌ به‌ماده‌ی‌ (لایكۆبین) ده‌وڵه‌مه‌نده‌‌و توێژینه‌وه‌كان سه‌لماندوویانه‌ كه‌ ڕۆڵی‌ گرنگ ده‌بینێت له‌كه‌مكردنه‌وه‌ی‌ مه‌ترسی‌ توشبوون به‌شێرپه‌نجه‌ی‌ پرۆستات، به‌لاَم له‌م توێژینه‌وه‌یه‌دا زانیارییه‌كی‌ نوێ به‌دیهاتووه‌ كه‌ ئاماژه‌ به‌وه‌ ده‌كات ماده‌ی‌ لایكۆبین ڕۆڵی‌ كاریگه‌ر ده‌بینێت له‌پارێزگاریكردنی‌  ئێسك‌ له‌ لاواز بوون و شكاندن
پووك بوونى ئێسك يان لاواز بوونى ئێسك نه‌خۆشییه‌كی‌ درێژ خایه‌نه‌‌و هیچ جۆره‌ نيشانه‌يه‌كى  پێش وه‌خته‌ى نییه‌، بۆیه‌ باشتر وایه‌ له‌به‌رامبه‌ر توشنه‌بوون به‌لاوزای‌ ئێسك‌و شكاندنی‌ ته‌ماته‌ به‌هه‌موو جۆرێك بخورێت .