هه‌ڵبژارده‌ی ئینگلته‌را ڕوبه‌ڕووى هه‌ڵبژارده‌ی ئه‌ندۆرا بووه‌

له‌ پاڵاوتنه‌كانی كیشوه‌ری ئه‌وروپا بۆ گه‌یشتن به‌ دوا یارییه‌كانی مۆندیالی  2022 ی قه‌ته‌ر له‌میانی یارییه‌كانی گروپی  نۆیه‌م  هه‌ڵبژارده‌ی ئینگلته‌را له‌سه‌ر یاریگای تایبه‌ت به‌خۆی روبه‌روی هه‌ڵبژارده‌ی  ئه‌ندۆرا بووه‌، له‌م دیداره‌دا هه‌ڵبژارده‌ی سێ شێره‌كه‌ باڵاده‌ستی خۆیان به‌سه‌ر ئاست وئه‌نجامی به‌یه‌ك گه‌یشتنه‌كه‌ سه‌پاند و یارییه‌كه‌شیان به‌ چوار گۆڵی بێ به‌رامبه‌ر به‌سوودی خۆیان  یه‌كلا كرده‌وه‌، گۆڵه‌كانی یارییه‌كه‌ش له‌رێگه‌ی یاریزانان جیسی لینگارد دوو گۆڵ  و هاری كین و بۆكایۆ ساكا تۆماركران. به‌م سه‌ركه‌وتنه‌ش هه‌ڵبژارده‌ی ئینگلته‌را باڵانسی خاڵه‌كانی به‌رزكرده‌وه‌ بۆ 15 خاڵ  و پێگه‌ی خۆی له‌لووتكه‌ی ریزبه‌ندی گرپه‌كه‌ی به‌هێزتركرد .